Димаш Құдайбергеннің ресми YouTube-арнасында «Golden» әніне арналған бейнебаян таныстырылды.

«Golden» бейнебаянының премьерасы 31 қаңтарда бис-тегі «DIMASH DIGITAL SHOW» онлайн-концертінің финалдық көрсетілімінен кейін бірден TIXR стримингтік платформасында өтті.

Бейнероликтің режиссері — New York Film Academy-де білім алған, қазақстандық және ресейлік жобаларда тәжірибесі бар Олжас Баялбаев.

Бейнебаян картинасына Димашпен бұрын «Qairan Elim» музыкалық бейнебаянында жұмыс істеген белгілі қазақстандық қоюшы оператор Азамат Дулатов жауап берді.

«Golden» сюжеті сценарийші Әлібек Әбдіхалыққа сеніп тапсырылды. Оның мазмұнын Димаш бейнебаянның сипаттамасында келтірді:

«Екі белгісіз адам ірі ұйымның штаб-пәтеріне хакерлік шабуыл жасады. Көптеген азаматтардың шағымдарына сүйенсек, бұл ұйымның беделі күмән туғызды. Батыл бұзу салдарынан осы қаржы бизнесмендерінің барлық шоттары жойылды. Сол кеште бұрын алаяқтардың алдауының құрбаны болған азаматтардың карталарына жасырын көзден ақша түсе бастады. Мүмкін, тонау мен әділеттілікті қалпына келтірудің артында сол адамдар тұр».

«Golden» әніне арналған бейнебаян қазақстандық орындаушының шығармашылығындағы форматы бойынша бұрын соңды болмаған жаңа жұмыс болды.

Естеріңізге сала кетейік, Golden музыкалық композициясын барлық музыкалық ағынды платформаларда тыңдауға және сатып алуға қол жетімді: Spotify, Amazon Music, iTunes, YouTube Music, Deezer, Yandex және т.б.