Димаш Құдайберген ерлер арасындағы жекелей мәнерлеп сырғанаудан Олимпиада чемпионы атанған Михаил Шайдоровты Миланда өткен Қысқы Олимпиада ойындарындағы жеңісімен құттықтап, спортшыға автокөлік сыйлайтынын мәлімдеді:

 

Посмотреть эту публикацию в Instagram

 

Публикация от Dimash Qudaibergen (@kudaibergenov.dimash)

– Мишабай, бауырым! Олимпиада алтынымен құттықтаймын!

Құрметті достар! Бұл қандай мереке, қандай үлкен қуаныш!

Бүгін мұз үстіндегі қозғалысың мен шеберлігің сені жай ғана чемпион емес — бүкіл елге үміт, рух пен шабыт сыйлаған үлкен тұлғаға айналдырды.

Сен еліміздің мақтанышы, менің досым, сенің ағаң, өкінішке қарай, еліміз жоғалтқан Денистің үмітін ақтадың.

Сен оның алдында да, ел мен халық алдында да өз міндетіңді жоғары деңгейде орындадың.

Мұз үстіндегі жолың әрдайым жарық әрі шабытқа толы болсын. Өнеріңмен әлемді бағындырып, жаңа биіктерді бағындыра бер!

Олимпиадада менің орындауымдағы әнді таңдағаның үшін де ерекше алғысымды білдіремін — бұл мені де қатты қуантты, бақытты етті. Үлкен рахмет!

Осыған байланысты өз атымнан саған шағын сыйлық жасағым келеді — темір тұлпар. Екеуіміз де, Алла қаласа, елге оралғанда «Астана Моторс» — қа кел. Менен – автокөлік!

Жеңіс құтты болсын, достар! Миша, алға!

Өз кезегінде Михаил Димашқа музыкасы үшін алғысын білдірді.
Еске салайық, Олимпиададағы еркін бағдарламасын Михаил Димаштың орындауындағы «Confessa & Diva Dance» композициясына сырғанаған.