Димаш Құдайбергеннің туған күніне орай ұйымдастырылған мерекелік іс-шаралар аясында Венгриядағы Dears iTunes платформасында өнерпазға кең ауқымды қолдау көрсетті. Нәтижесінде Димаштың бірнеше музыкалық туындысы бір мезгілде Венгрияның музыкалық чарттарында жоғары көрсеткіштерге қол жеткізді.

Чарттарда үздік орындарға ие болған әндер қатарына The Story of One Sky, Omir, Gashyqtyq, When I’ve Got You, Zhalyn және Unforgettable Day кіреді.

Осыған байланысты Dimash Dears Hungary фан-клубының өкілдері: «Венгриялық Dears қауымдастығы үшін Димаштың музыкалық шығармаларының ұлттық чарттарда кеңінен танылып, жоғары бағалануы ерекше әсерлі әрі толғандырған оқиға болды. Бұл жетістіктің әншінің туған күнімен тұспа-тұс келуі біз үшін зор қуаныш. Біз осы жағымды жаңалықты өнерпаздың барлық жанкүйерлерімен бөлісуге қуаныштымыз», – деп атап өтті.