26 желтоқсанда Қытайдың оңтүстік-батысындағы Сычуань провинциясының орталығы Чэнду қаласында «2025四川省新年音乐会» («2025 жылғы Сычуаньның жаңа жылдық концерті») өтті. «Тяньфу өркениетінің поэтикалық естелігіне» көптеген танымал тұлғалар жиналды. Олардың арасында қазақстандық музыкант Димаш Құдайберген де болды.

Димаш өзінің репертуарындағы қытай тіліндегі ең әдемі лирикалық әндерінің бірі – «The Crown» әнін орындады. Бұл ән 2017 жылы «Xiaomi Super GOD MOBA» мобильді ойынына саундтрек ретінде шыққан қазақстандық композитор Ұлықпан Жолдасовтың «Кім екен» шығармасының қытай тіліндегі нұсқасы.

Сондай-ақ, Димаш Қытайдың танымал әншісі Вэй Вэймен бірге «Join Hands» әнін орындады. «Golden Panda» сыйлығына лайықты деп танылған «Join Hands» әнін атақты Чжу Хай мен композитор, “Оскар” сыйлығының музыкалық судьясы Натан Ванг жазған. Ол алғаш рет 2023 жылы 20 қыркүйекте Чэнду қаласында өткен «Golden Panda» марапаттау рәсімінің финалында орындалды.