Жаңа жыл қарсаңында Димаш Құдайбергеннің болгариялық жанкүйерлері бірігіп, Роман қаласындағы мүмкіндігі шектеулі балаларға әлеуметтік қызмет көрсету кешеніне көмек көрсету мақсатында қайырымдылық акциясын өткізді.

Қазақстанның Тәуелсіздік күні мен алдағы Жаңа жыл мерекелеріне арналған акция аясында фан-клубтың 29 мүшесі 2800 лев (1500 АҚШ доллары) жинады. Қаржылай көмектен бөлек, балаларға азық-түлік және үстел ойындары да сыйлыққа берілді.

Қаражат жинаудың негізгі мақсаты балаларды өмірлік маңызды процедуралардан өту үшін медициналық мекемелерге жеткізуге қажетті автокөлік сатып алу болатын. Фан-клубтың күш-жігерінің арқасында 7 000 лев, яғни қажетті соманың жартысына жуығын жауып, осылайша Кешеннің арманы орындалуына мүмкіндік туды.

Акция аясындағы ерекше ұсыныс – балаларға арналған арт-терапия сабақтарында Димаштың әндерін қосып қою болды. Музыканың неврологиялық және психиатриялық жағдайларға пайдалы әсері бар екені ғылыми дәлелденген және Димаштың шығармашылығы ерекше назар аударуды қажет ететін балаларға көтеріңкі көңіл күй сыйлайтыны сөзсіз.

«Біз үшін Димаш тек көрнекті әртіс ғана емес, сонымен бірге жүрегі кең адам. Біз одан үлгі алып, ерекше мұқтаж жандарға көмектесуге тырысамыз», — деп бөлісті фан-клуб мүшелері.