ҚАЗ RUS ENG

ҚАЗ RUS ENG

Dears Индонезиялық гамеланның дыбыстауындағы "Любовь уставших лебедей"

Индонезиялық гамеланның дыбыстауындағы «Любовь уставших лебедей»

Dears Индонезиялық гамеланның дыбыстауындағы "Любовь уставших лебедей"

Индонезиялық гамеланның дыбыстауындағы «Любовь уставших лебедей»

Индонезиядағы Димаштың Фан-клубы «Любовь уставших лебедей» әнін дәстүрлі гамелан оркестрінің орындауында ұсынады.

Wikimedia Commons

Гамелан – Ява және Бали аралдарында пайда болған дәстүрлі Индонезиялық музыкалық ансамбль. Гамеланның негізін бонанг, гендер, гонг, кенданг, кенонг, сарон, ребаб және басқа да музыкалық аспаптар құрайды.

Олардың кейбіреулері қазақ халық музыкалық аспаптарымен ұқсастығы бар. Мысалы, ребаб – қобызға ұқсас әдемі ішекті аспап, ал кенданг – қазақ дауылпазының ойнау техникасына ұқсас арнайы техника қажет ұрмалы аспап.

Гамеланның тарихы сол кезде Индонезия архипелагында үстемдік еткен индуизм мен буддизм мәдениетінен басталды. Яван мифологиясына сәйкес, гамеланды б.з.д. 230 жылы Батара Гуру құдайы жасаған (көбінесе Шивамен анықталған). Аңыз бойынша, Батара Гуру құдайларды шақыру үшін қолданылған бірнеше гонгтар жасаған. Кейіннен бұл гонгтар гамеланның құрамына кірді.

Wikimedia Commons

Гамеланның ерекше және белгілі бір дәрежеде мистикалық дыбысы бүкіл әлемге тез таралды. Әлемнің түкпір-түкпірінен келген адамдар оны зерттеуге қызығушылық танытты.

АҚШ композиторы Джоди Даймонд американдық Гамелан институты шығарған «Балунган» журналында, АҚШ пен Жапонияның кейбір университеттерінде студенттер арасында гамеланды зерттейтін арнайы сыныптар бар деп жазды.

Гамеланның ең құрметті орындаушылары мен танымал тұлғаларының бірі – Васитодининграт. Ол 1909 жылы 17 наурызда Джокьякартада дүниеге келді және осы дәстүрлі Индонезиялық оркестр туралы білімді өз Отанында және шетелде таратуда маңызды рөл атқарды. Васитодинингграт ребабта ойнады, пакуаламан княздігінің сарайында ансамбльді басқарды және бүкіл әлемдегі университеттерде гамелан өнерін үйретті.

Гамелан синден деп аталатын әншілерді сүйемелдейді. Бастапқыда олар тек қыздар құралған, бірақ қазір синден де ер адамдар жиі кездеседі.
Бұрын бұл вокалистер тек дәстүрлі әндерді орындаған, бірақ уақыт өте келе олардың репертуары әртүрлі жанрлармен толықтырылды, олардың ішінде кампурсари, ланггам-джава және шетелдік поп.

Гамелан және Димаш

Жақында Димаштың Индонезиялық «DID» фан-клубының Кики Чан есімді бойжеткені қазақстандық орындаушы репертуарындағы Игорь Крутойдың «Любовь уставших лебедей» әнінің аспаппен орындалған үніне гамелан орындаған әуенді қосып, жаңа караоке-нұсқасын ұсынды. Көптеген Dears бұл нұсқаны өздерінің каверлеріне пайдаланады.

Болашақта Кики Чан әнді өзіне ыңғайлы етіп шырқау үшін синденді шақыруды жоспарлап отыр. Фан-клубқа қатысушылардың бірі Нита Тамрин мәтіннің Индонезиялық нұсқасын жазды және жоспарды жүзеге асыру үшін синденге хабарласты.

Дәстүрлі Индонезия мәдениеті тақырыбының жалғасында бұл жолы Бельгиядан жаңалық келді. Осы елдегі Dears-тің бірі Санни Бергенова таңғажайып жобаға қатысып, оған керемет өнер көрсетті. Онда Индонезиядағы әйгілі мифтік кейіпкерлердің бірі Арджун тәжінде Димаш бейнеленген.

Арджуна-мадукара Герцогтің батыл жауынгері, ол саяхаттауды, медитацияны жақсы көреді және мәңгілік білім іздейді. Ол парасатты, тез ойлы, ақылды, сыпайы, батыл және әрқашан әлсіздерді қорғайды.

Dimash Indonesian Dears Fan Club

Соңғы жаңалықтар

Чехияда Қазақстан Тәуелсіздігінің мерейтойы қалай атап өтіледі?

Қазақстан Тәуелсіздігінің 30 жылдығына орай Чехияда бірқатар іс-шаралар жоспарланған. Бұл - елдер арасындағы байланысты нығайтқан деректі фильмнің шығуы, сондай-ақ...

Балалар бақытты болу үшін

Латвия мен Қазақстанда ерекше қолдауды қажет ететін балалар үшін бастамалар қалай жүргізілуде? Қазақстанның Латвиядағы Елшілігі мен Рига думасының мәдениет департаменті...

Dears Польшаның ірі ғаламтор-басылымына сұхбат берді

12 маусымда Польшалық Димаштың жанкүйерлері өз елінің ең ірі ғаламтор-басылымдарының бірі – Wirtualna Polska-ға сұхбат беруге шақырту алды. Әңгіме...

Түркиядағы саябақ Абай Құнанбаевтың құрметіне аталды

11 маусымда Түркияның Аланья қаласының саябағында ақын Абай Құнанбаевқа ескерткіш орнатылды. Монументтің салтанатты ашылуынан кейін саябаққа қазақ ойшылының есімі...

Димаш Құдайбергеннің «Golden» бейнебаянын қалай түсірді: бэкстейджден бейне

Димаш Құдайбергеннің ресми YouTube-арнасы Golden музыкалық бейнебаянының бэкстейджін ұсынады. Режиссер Олжас Баялбаев, қоюшы-оператор Азамат Дулатов, сценарист Әлібек Әбдіхалық, Димаштың өзі...