Қазақстанның Ақтөбе қаласында «Baqytty Bala–2025» VI ашық балалар вокал фестивалі-байқауы өз жұмысын бастады.

19 тамыз күні «Green Land» демалыс саябағында танысу кеші өтті. 6 елден келген 19 қатысушы Ақтөбе филармониясының әртістері Станислав Бахмутов пен Меруерт Қуантаеваның көмегімен бір-бірін танып, қарым-қатынастары жаңа достыққа ұласып, музыкалық көңіл-күйлерімен алмасып, мерекенің ыстық атмосферасына бөленді.

20 тамызда екінші танысу кешінде жеребе тартылып, келесі кезеңдерге қатысушылардың өнер көрсетулерінің реттік нөмірлері анықталды.

Шараны Ақтөбе филармониясының әртістері Аслан Махмұт пен Ольга Калашникова жүргізді. Балалар өз нөмірлерін қызықты сәтті қызықты аттракционға айналдырған иллюзионист Жеңіс Гусейновтың қолынан алды.

Бірінші нөмірді қала өкілі ақтөбелік Мөлдір Әбдірова берді.

Қатысушылар DimashNews редакциясымен өз әсерлерімен бөлісті.

Тирасполь қаласынан келген Молдова өкілі, әйгілі «Славян базары» фестивалі аясында өткен ХХІІІ Халықаралық «Витебск» балалар музыкалық байқауының «қола» иегері Лев Смертин «Baqytty Bala» байқауы туралы Димаш Құдайбергеннің шығармашылығы арқылы білгенімен бөлісті:

«Біз Димашты, оның ата-анасын және осы байқауды ұзақ уақыттан бері бақылап келеміз. Димаштың туған жеріне келіп, фестивальге қатысу менің арманым еді. Мен Димаш туралы бірнеше жыл бұрын білдім. Ол туралы, оның әдемі даусы туралы көп жерлерде жазылып жүрді. Байқаудың бірінші кезеңінде мен молдаван әнін және Димаштың «S.O.S D’un Terrien en detresse» композициясын орындаймын».

Осы байқаудың Беларусь елінде өткен бірінші жүлдесінің иегері, Алматы облысынан келген Мирас Нағашыбай Витебсктегі жеңіске деген сезімімен және Ақтөбедегі жарыстан не күткені туралы бөлісті:

«Осындай ауқымды байқауда жеңіске жету мен үшін үлкен мәртебе. Димаш ағамыздың қолдауы әрқайсымыз үшін ерекше мақтаныш. Осымен тоқтап қалмай, жаңа биіктерге ұмтылуға ниеттемін.

Бұл байқау туралы директорым айқан еді. Өтініш беріп, бағымды сынап көруді ұсынды: «Егер өтіп кетсек, бұл бізге берілген мүмкіндік»,- деген болатын.

Жарыстың Димаш ағаның туған жері Ақтөбеде өтіп жатқанына ерекше қуаныштымын. Мұндағы өнер орталығы шынымен де әсерлі. Маған Ақтөбе қатты ұнайды, бұл жер жанға жайлы қала.

Ертең Ақтамберді жыраудың «Күлдір-күлдір кітабын» және Scorpions тобының «Maybe I, Maybe you» шығармасын орындаймын.

Мен барлық балаларға керемет әндер орындайтын шабыт пен сәттілік және мықты денсаулық тілеймін».