Латын Америкасының 10 елінен келген Димаш Құдайбергеннің жанкүйерлері бірігіп «El Amor en Ti» атты халықаралық музыкалық жобасында испан тіліндегі әнді бірге орындады.

Жобаға Перу, Мексика, Коста-Рика, Эквадор, Доминикан Республикасы, Боливия, Парагвай, Уругвай, Аргентина және Чили елдерінен Dears қатысты. Бірлескен орындау арқылы олар Димаштың өнеріне, сондай-ақ әншінің испан тілді тыңдармандарының ерекше ықыласына деген алғыстарын білдіріп, сүйіспеншіліктері мен құрметтерін жеткізді.

Жобаны ұйымдастырушылардың айтуынша, бұл идея Димаштың алғаш рет испан тілінде ән шырқаған сәтінен кейін туындаған. Сол сәт жанкүйерлерді терең толқытып, олар өз тараптарынан музыкалық сый әзірлеуге шабыт алған екен.

«Біз Димашқа испан тілінде ән шырқағаны үшін зор алғысымызды білдіргіміз келеді, – деп жоба қатысушылары. – Оның тамаша үні мен әуендері бізді қашықтық пен шекараларға қарамастан біріктіруге шабыттандырады», – деп ыстық ықыластарын білдірді.