5 ақпанда әлемдік платформаларда Димаш Құдайбергеннің продюсерлік жобасы — «Voice Beyond Horizon» музыкалық реалити-шоуының алғашқы эпизоды эфирге шықты.
Димаштың әлемге танымал әріптестері мен достары оны атқарушы продюсер ретіндегі жаңа рөлімен құттықтап, жобаға сәттілік тіледі. Құттықтау видеолары Алматы қаласындағы Балуан Шолақ атындағы Спорт сарайында өткен, көрермендермен бірлескен премьералық көрсетілім барысында ұсынылды.

Пласидо Доминго:

«Сәлем, Димаш, сені Voice Beyond Horizon жобасындағы атқарушы продюсер ретіндегі жаңа әрі әсерлі рөліңмен құттықтағым келеді.
Тизерлеріне қарағанда, бұл өте әсерлі жоба болып көрінеді.
Қазақстанның түкпір-түкпірінде түсірілген, әртүрлі елдерден келген көптеген талантты әншілер музыка мен мәдениетті бірге дәріптеп жатыр.
Премьерасын асыға күтемін.
Келесі кездескенше — және, сондай-ақ, бұл еңбегің сенің жаңа белесің болғалы тұр.
Шығармашылық жолыңдағы осы маңызды қадамыңмен тағы да құттықтай отырып, 18 сәуірде Будапештте өзіңмен бірге бір сахнада өнер көрсететін сәтті асыға күтемін».

Андреа Бочелли:

«Қымбатты Димаш, Voice Beyond Horizon деп аталатын өзің бастамашы болған осы игі әрі асыл бастамаңмен сені шын жүректен құттықтағым келеді.
Саған шын жүректен сәттілік тілеймін және жақын арада көрісеміз деп үміттенемін.
Құшақтаймын және баршаңызға сәттілік тілеймін».

Игорь Крутой:

«Мен өзімнің кіші досым, тамаша әнші Димаш Құдайбергенді оның алғашқы Voice Beyond Horizons атты продюсерлік жобасымен шын жүректен құттықтағым келеді.
Бұл байқау әлемге көптеген жұлдыздарды танытсын деп тілегім келеді. Барша тыңдармандарға, қатысушыларға және жалпы барша жұртқа зор денсаулық, бақыт, сәттілік пен бейбіт аспан тілеймін.
Қазақстан, жоба құтты болсын!».

Лара Фабиан:

«Қымбатты Димаш, сені осы халықаралық вокалдық байқау — Voice Beyond Horizon жобасының премьерасымен шын жүректен құттықтаймын.
Әрбір дауыстың әсемдігі бұл әлемге өнер мен шипа сыйласын.
Алға, Қазақстан!».

Маурисио Сулейман:

«Сәлем, Димаш, WBC ұйымынан Маурисио Сулейман сөйлеп тұр.
Мен қатты қуанып, мақтанып, ерекше толқып тұрмын.
Voice Beyond Horizon — бұл сенің жаңа жобаң, бүкіл әлемнен жаңа таланттарды табуға арналған халықаралық вокалдық конкурс.
Саған үлкен табыс тілеймін.
Құдай жар болсын.
Бар жақсылықты тілеймін және жақын арада кездесеміз деп үміттенемін.
Жасасын, Қазақстан!
Сау бол!».

Хаузер:

«Сәлем, бауырым! Мен саған өзімнің сенімен мақтанатынымды айту үшін келдім және Voice Beyond Horizon жобасының атқарушы продюсері болуыңмен шын жүректен құттықтағым келеді. Бұл керемет жоба болғалы тұр, көруге асықпын. Бұл жоба арқылы қаншама жаңа таланттарды, қаншама керемет дауыстар мен әншілерді әлемге танытатыныңды өзің де білесің. Сені жаңа рөліңде көруді асыға күтемін. Сондай-ақ сәуір айында Будапештте сенімен бірге сахнаға шығуды асыға күтемін, біз сол жерде кездесеміз. Ал Будапешттен кейін өмірімде алғаш рет сенің еліңе келетінімді білесің. Әсем Қазақстан. Сенімен, отбасыңмен кездесуді және сенің еліңде өнер көрсетуді асыға күтемін. Сәттілік! Жақын арада көріскенше».

Саймон Уэбб:

«Сәлем, Димаш, сөйлеп тұрған Blue тобынан Саймон. Сені Voice Beyond Horizon халықаралық вокалдық байқауының басталуымен шын жүректен құттықтаймын. Бұл жобаның көптеген елдерден келген өнерпаздарды бір арнаға біріктіретін кең ауқымды шығармашылық алаң болатынына сенімім мол. Меніңше, бұл — өте тамаша және өзекті тұжырым. Жалпы, мен әрдайым жас буынға жаңа мүмкіндіктер ашатын, олардың көкжиегін кеңейтіп, әлемге танылуына жол ашатын жобаларды қолдап жүремін. Алға, Қазақстан!».