ҚАЗ 
RUS 
ENG 
Қытайдың «I am Singer» байқауына Димаштың «Дайдидау» номерін дайындауға қазақстандық мәдениет қайраткерлерінің айбынды делегациясы қатысты. Димаштың DK «Media World» Еуразиялық фан-клубы байқауда өнер көрсеткен қатысушылардың естелік жарияланымдар топтамасын бастады.
21 ақпанда DK Media World редакциясы «Құпия тапсырма: Дайдидау миссиясы» деп аталатын жаңа жобаны іске қосты. 2017 жылы «I am Singer» конкурсына «Дайдидау» әнін дайындауға қатысқан қазақстандық өнер қайраткерлер бейне-жарияланымдар сериясында сол күн туралы естеліктерімен бөлісті.
Димаш Құдайбергеннің шығармашылығында қазақтың «Дайдидау» әні ерекше орын алады. Ол осы әнмен алғаш рет 2015 жылы «Славян базары» халықаралық фестивалінде бас жүлдені жеңіп алды.
Димаштың үлкен арманың бірі бүкіл әлемді өз елінің мәдениеті мен өнерімен таныстыру болды. Ол «Дайдидау» әнінің әлемге әйгілі болуын және ғаламшардың әр бұрышында естілуін қалады, сондықтан оны Қытай байқауында халық аспаптар ансамблінің сүйемелдеуімен орындауға шешім қабылдады.
Осы турға қатысу үшін Димашқа Чанша қаласына оның отандастарының делегациясы келді. Олардың қатарында Қазақ ұлттық өнер университетінің оқытушылары мен үздік студент-музыканттары болды.
Осылайша, «Дайдидауды» дайындауға Қазақстанның еңбек сіңірген әртісі, ҚазҰӨУ «Дәстүрлі ән» факультетінің деканы Майра Ильясова, «Кино және теледидар режиссурасы» кафедрасының меңгерушісі Талғат Тайшанов, «Қобыз және орыс халық аспаптары» кафедрасының оқытушысы Саджана Мурзалиева, «Дәстүрлі музыка өнері» факультетінің профессоры Тұрар Әліпбаев және басқалары қатысты.
DK Media World редакторлары байқау қатысушыларының әңгімелерін ортақ оқиғаға жинақтап, Димаш шығармашылығының барлық жанкүйерлері үшін маңызға ие оқиғаны еске алу сериясымен шығаратын болды.
Құпия тапсырма: «Дайдидау миссиясы» жобасының шығарылымдарын төмендегі сілтемеден көруге болады: https://www.instagram.com/dk_media_world/
DK Media World
