Димаш Құдайберген Ресейдің «Виктория» музыкалық сыйлығын тапсыру салтанатында қызыл кілеммен жүріп өтті. Үлкен сахнада жүргізуші Липаның сұрақтарына жан-жақты жауап берген Димаш өзі үшін көрермендердің сүйіспеншілігі маңызды екенін айтты. «Мен әрқашан өз тыңдармандарыма жоғары деңгейде өнер көрсетуге тырысамын. Егер мен қандайда бір жеңіске жетіп, марапатқа ие болсам, ол менің көрермендерімнің еңбегі деп білемін», деді әнші.
Димаш сонымен қатар оңашада қандай әндерді тыңдайтынын айтып берді. «Мен қазақтың халық әндерін тыңдаймын», деді ол. Еске салайық, Димаш Ресейдің «Виктория» музыкалық сыйлығына бірнеше номинация бойынша үміткер ретінде қатысқан болатын. Жеңімпаздар бүгін, 5 желтоқсан күні Мәскеудегі Кремль сарайында өткен салтанатты рәсімде жарияланатын болады.
Айта кетейік, «Виктория» сыйлығы жыл соңында ең үздік музыканттарға, ақындарға, орындаушыларға, продюсерлерге, журналистерге, музыка сыншыларына және ірі медиахолдингтердің жетекшілеріне беріледі. 15 санат бойынша жеңімпаздардың есімдері Мемлекеттік Кремль сарайында өткен салтанатты рәсімде жарияланады.
Бельгиядағы MCS Radio Aywaille радиосында Димаш Кудайберген шығармашылығына арналған арнайы бағдарлама қайтадан өтеді. Эфир 30 сәуір күні Орталық Еуропа уақыты...
2026 жылдың 12 сәуірінде Прага қаласындағы Панкрац саябағында Наурыз мерекесіне арналған іс-шара ұйымдастырылып, оған Димаш Құдайбергеннің чехиялық фан-клубы қатысты....
Freedom Inside форумы аясында Димаш Құдайберген Tatler Kazakhstan бас редакторы Анара Кукиеваға сұхбат берді. Әңгіме басында алғашқы сұраққа жауап бере...