2025 жылдың 13 ақпанында Испанияда қазақтың ұлы ойшыл ақыны Абай Құнанбаевтың 180 жылдығына арналған кеш өтті. Шараны Қазақстан елшілігі ұйымдастырды. Қонақтардың арасында The Great Kazakh Voice Ассоциациясы, Димаш Құдайбергеннің Испаниядағы ресми фан-клубының өкілдері мен қазақ тілін оқып жатқан студенттер болды.

Димаш Құдайбергеннің жанкүйерлері өздерінің кумирлерінің шығармашылығына ғана емес, оның туған елінің мәдениетіне деген шынайы сүйіспеншіліктерін танытып, кештің атмосферасына ерекше үлес қосты. Кештің ең әсерлі сәттерінің бірі Абай Құнанбаевтың «Көзімнің қарасы» шығармасын гитарамен орындаған Эстер Сотаның орындауы болды. Журналист Йоланда Гарсиа видео-презентация ұсынып, Қазақстан Республикасының Төтенше және Өкілетті Елшісі Данат Мұсаевтан сұхбат алды.

Бұл Қазақстан мен Испания арасындағы мәдени байланысты нығайтуға, оған қатысушылардың Абайдың бай мұрасы мен қазақ халқының салт-дәстүрін тереңірек түсінуіне мүмкіндік беретін маңызды кеш болды.