Ұстаздар күні қарсаңында «DimashAli» шығармашылық орталығы Бауыржан Бабажанұлының сөзіне жазылған Қанат Айтбаевтың «Ұстазым» әніне түсірілген жаңа бейнеклипті көпшілік назарына ұсынды.

«Ұстазым» — әр адамның өмірінде маңызды рөл атқаратын, білімімен бөлісіп, қолдау көрсетіп, бағыт-бағдар беретін ұстаздарға арналған музыкалық арнау.

Әнді Ермахан Аймахан, Нұржас Садырбай, Қымбат Жамбылбек және Диана Тұржанова орындады.

Музыкалық продюсері — Қанат Айтбаев. Әннің аранжировкасы мен дыбыс өңдеу жұмыстарын Рустам Төлешов атқарды.

«Ұстазым» — шәкірттеріне білім беріп қана қоймай, олардың қабілетін ашуға, өз жолын табуға және алға ұмтылуына көмектесетін жандарға арналған алғыс әні.

Орындаушылар: Ермахан Аймахан, Нұржас Садырбай, Қымбат Жамбылбек, Диана Тұржанова

Әні: Қанат Айтбаев
Сөзі: Бауыржан Бабажанұлы
Музыкалық продюсері: Қанат Айтбаев
Аранжировкасы: Рустам Төлешов
Бейнеклип режиссері: Ғалым Асылов
«Айналайын» балалар хоры, жетекшісі: Гүлмира Жангелді