2025 жылдың 23 ақпанында Джакартада Димаш Құдайбергеннің Индонезиядағы фан-клубы (DIDFC) Автокөліксіз күн аясында (Car Free Day) «Love’s not over yet» атты арнайы серуен ұйымдастырды.

Автокөліксіз күн – әр жексенбі сайын сағат 06:00-ден 10:00-ге дейін өтетін апта сайынғы іс-шара, оның барысында Джакартаның белгілі бір аудандарында көліктерге жүруге тыйым салынады. Бұл көшелерде таңертең жүгіруге, велосипед тебуге, спортпен айналысып немесе жай серуендеуге болады.

Димаштың индонезиялық жанкүйерлері осы сәтті пайдаланып, өз аудиторияларына сүйікті әртістері туралы кеңірек айтып беруді көздеді. Серуен барысында қатысушылар Димаштың аты жазылған баннерлер ұстап, жолаушы жанкүйерлерге естелік сыйлықтар мен әншінің суреті бейнеленген төсбелгілерді табыс етті. Ұйымдастырушылардың айтуынша, шараның мақсаты қазақстандық әншінің шығармашылығымен Индонезиядағы халықты таныстыру болған.

Науқанның атауы Димаштың 2025 жылдың наурыз айында шығуы жоспарланған «Love’s not over yet» атты жаңа әнінен алынған. Ән жанкүйерлер арасында үлкен қызығушылық тудырып, бұл серуен ән шықпас бұрын үлкен қолдауға ие болды.

Жолаушылардың аоасында акцияға қатысушыларға жақындап, Димаш туралы сұрап, өз қызығушылықтарын танытқандар көп болды. Әсіресе студенттер ерекше белсенділік танытты.

«Біздің «Love’s not over yet» науқаны – жәй ән ғана емес, Димаштың жанкүйерлерін байланыстыратын көпір. Алда көптен күткен жаңа әннің премьерасы мен кездесулер күтіп тұр», – деп бөлісті Dears.

LOVE’S NOT OVER YET PRE-SAVE