Қыркүйек айында Димаш Құдайбергеннің испандық фан-клубы Астанадағы Ұлттық балаларды оңалту орталығында емделіп жатқан балаларға қолдау көрсетті. Испаниядан келген Dears 1000 еуроны Димаштың Қазақстанның астанасында 13-14 қыркүйекте өткен жеке концертіне орайластырылған болатын.

Бұл қаражатқа балалары орталықта ұзақ уақыт емделіп жатқан отбасыларға тұрмыстық заттар сатып әперді. Осы қайырымдылықтың бір бөлігі ретінде пациенттер мен олардың ата-аналарына микрофон, теледидар сияқты техникалық бұйымдар да сатып әперді.

Ұлттық балаларды оңалту орталығы (2016 жылға дейін – Республикалық оңалту орталығы) 2007 жылдың 10 қыркүйегінде құрылып, содан бері әртүрлі дертке шалдыққан, соның ішінде аутизм спектрі бұзылған балаларға кешенді оңалту қызметін көрсетіп келеді. Орталық жыл сайын 4200-ден астам балаға көмек көрсетіп, кешенді медициналық, білім беру және әлеуметтік қолдау көрсетеді. Жұмыс істеген 15 жыл ішінде орталықта 61 647 бала емделсе, оның 32 975-і сәтті әлеуметтендірілді.

Әлемнің түкпір-түкпірінен жиналған Димаш Құдайбергеннің жанкүйерлерінің түрлі қайырымдылық шараларын ұйымдастыруы бұл бірінші жағдай емес. Бұдан бұрын да көптеген әлеуметтік көмектер жасалған болатын. Олардың бұл Қазақстандағы балаларды сауықтыруды қолдауға қосқан үлесі – әншінің өнерінен шабыттанып, мұқтаж адамдардың өмірін жақсартуға ұмтылатын жанкүйерлер қауымдастығы күшінің тағы бір дәлелі.