Чилидегі Димаштың жанкүйерлері өнер иесінің көптен күткен алғашқы сапарына орай ерекше шығармашылық жоба дайындады. 

Жобаны жүзеге асыруға Чилидің әртүрлі қалаларынан 27 Dears қатысты. Өз елдерінің әсемдігін таныту мақсатында бейнебаян табиғаты көркем жерлерде түсірілді. Атап айтқанда, Винья-дель-Мар, Сантьяго, Темуко қалаларында, сондай-ақ Лос-Анджелес қаласының маңындағы әйгілі Лаха сарқырамасы жанында түсірілім жұмыстары жүргізілді.

Димаш Құдайберген шығармашылығының көпқырлылығын дәріптеу мақсатында жобаға қатысушылар қытай, жапон, орыс және қазақ тілдерінде төрт музыкалық туынды орындады. Бұл таңдау әлемнің түкпір-түкпіріндегі тыңдармандарын біріктіре алған әншінің өнерінің халықаралық сипатының айқын көрінісі.

«Бұл музыкалық жоба – Димаштың Чилиге алғашқы сапарына арналған біздің сыйымыз бен оған деген шынайы құрметіміз әрі ризашылығымыздың көрінісі. Ол біздің елімізде өзін зор ықыласпен, ерекше қуанышпен күтіп отырғанын сезінеді деп үміттенеміз», – деді чилилік Dears.