1 қазан күні Нью-Йорктегі Кеннеди халықаралық әуежайы Қазақстан және Қырғызстанның халық әртісі Димаш Құдайбергенді қарсы алды.
Сәнді ұлттық стильдегі киімдер киіп, қолдарына жалаушалар, бейдждер мен баннерлер ұстаған Димаштың жанкүйерлері сүйікті әртістерін әуежайда үлкен ықыласпен қарсы алды.

Кездесуді тағатсыздана күткен Dears қауымы Димаштың әндерін қосыла шырқап, биылғы жаздың хиті — «Тау ішінде» әнін хормен орындап, болашақ концерттердің қызықты сәттерін асыға сөз етті.

Күту залынан көрінген сәтте-ақ Димашты жанкүйерлері зор қошеметпен қарсы алып, гүлдер мен сыйлықтарын тарту етті.

Әртіс жанкүйерлермен емен-жарқын тілдесіп, қолтаңба беріп, бірге естелік суреттерге түсіп, олармен бірге атақты «Besame Mucho» әнін шырқады.

Димаштың көптен күткен «Stranger» атты жеке концерті Нью-Йорктің аңызға айналған сахнасы — Madison Square Garden-де 5 қазан күні өтеді.

Кездескенше, қымбатты достар!