12 желтоқсанда Димаш Құдайберген Латвияның Xiaomi Arena атты ең танымал аренасында өзінің «Stranger» шоуын қояды.

Сондай-ақ аренада хоккей матчтары, баскетбол турнирлері, ауқымды фестивальдер мен ұлттық мерекелік шаралар ұйымдастырылады.

Дәл осы көпфункциялы спорт және концерт кешеніне 11–14 мың көрермен сыяды.

Арена 2006 жылы мұздағы шайбалы хоккейден әлем чемпионатын өткізу мақсатында салынған.

2023 жылы дәл осы жерде Латвияның XXVII ән және XVII би фестивалінің ашылу салтанаты өткен.

Әлемдік деңгейдегі көптеген өнер жұлдыздары дәл осы әйгілі сахнада өнер көрсеткен. Мұнда Брайан Адамс, Deep Purple, Depeche Mode, Эд Ширан, Энрике Иглесиас, Эрос Рамаццотти, Кэти Перри, Ленни Кравиц, Линкин Парк сынды өзге де танымал топтар мен жеке орындаушылардың шоулары өткен.

12 желтоқсан күні қазақстандық әртіс Димаш Құдайбергеннің үлкен концерттік шоуы Xiaomi Arena сахнасында өтеді.

Қадірлі достар, қош келіпсіздер! Кездесуді асыға күтеміз!