31 қаңтар күні Димаш Құдайбергеннің мексикандық фан-клубы қазақстандық өнерпаздың жанкүйерлер қауымдастығының тоғыз жылдығына арналған Dears күні аясында бірқатар іс-шаралар ұйымдастырды.

Мерекелік бағдарлама шеңберінде Димаштың жанкүйерлері қарттар үйіне барып, мазмұнды әрі жылы жүздесу өткізді. Іс-шара барысында қатысушылар дене қимылына арналған жаттығулар жасап, «Tau Ishinde» әніне би билеп, аға буынды өнерпаздың шығармашылығымен таныстырды.

Кездесу барысында қарт кісілерге Димаш Құдайбергеннің атынан жеке қажеттіліктерден тұратын сыйлық жиынтықтары табысталды. Қазақстандық әншінің шығармаларын алғаш рет тыңдағаннан кейін кездесуге қатысушылар өз әсерлерімен бөлісіп, ойларын білдірді.

Осы күні фан-клуб Мехико қаласының көрнекті туристік нысандары — Тәуелсіздік періштесі ескерткіші, Революция монументі, Сумайя музейі, Бейнелеу өнері сарайы және Ұлттық аудитория аумағында промо-тур ұйымдастырып, Димаш Құдайбергеннің шығармашылығын кеңінен насихаттап, Dears қауымдастығының мерейтойын атап өтті.

Мерекелік іс-шаралар Unión Dears фан-клубы ұйымдастырған Поланко метро бекетіндегі фотокөрменің ашылуымен қорытындыланды. Dimash News галереясынан алынған, Димаштың Мексикадағы концерттеріне арналған фотосуреттер қойылған көрме келушілер үшін 8 наурызға дейін ашық болады.

 

Посмотреть эту публикацию в Instagram

 

Публикация от Dimash Qudaibergen Perú World Fan Club (@dq.peruworld)