Димаш Құдайбергеннің орындауындағы жаңа «AQERKE» композициясы Бельгияның Льеж қаласы AFM Radio радиостанциясының эфирінде шырқалды.

Бұл – Димаш шығармаларының Бельгия радиосынан алғаш рет қойылуы емес. Dears жанкүйерлерінің көпжылдық белсенді қолдауының арқасында Бельгияның түрлі радиостанцияларында әншінің 60-тан астам туындысы тыңдарманға жол тартқан. Сонымен қатар, бұған дейін AFM Radio эфирінде қазақстандық өнерпаздың шығармашылығына толықтай арналған екі сағаттық арнайы бағдарламалар да ұйымдастырылған болатын.

Еске сала кетейік, 16 маусымнан бастап «AQERKE» композициясы барлық жетекші цифрлық музыкалық платформаларда қолжетімді. Әннің жарыққа шығуымен қатар Димаш шығармашылық челлендж жариялап, жанкүйерлеріне жаңа әнге бейнероликтер түсіруді ұсынды.

Үздік жұмыстың авторы әншінің музыкалық бейнебаянының түсіріліміне қатысып, ерекше мүмкіндікке ие бола алады.

 

Посмотреть эту публикацию в Instagram

 

Публикация от Dimash Qudaibergen (@kudaibergenov.dimash)