Димаштың 31 жылдығына орай Dears DiVoices хоры құттықтау ретінде қазақтың «Daididau» әнін жазды. Хорда Польша мен Жапониядан келген әртістің жанкүйерлері бар.

«Димаш – қазақ мәдениетінің әлемдегі ең үздік елшісі. Қазақстанның тілі мен мәдениеті ол үшін қаншалықты маңызды екенін білеміз. Біз әнді әншінің ана тілінде орындай отырып, осындай ұлы әртіс пен мейірімді адамды тәрбиелеген қазақ халқына құрмет көрсеткіміз келді», — дейді Димаштың поляк фан-клубының әкімшісі Тереза Какол.

«Біз кәсіпқой емеспіз, бірақ әнді жан-тәнімізбен орындаймыз. Біздің музыкалық сыйлығымыз Димашқа ерекше көңіл-күй сыйлайды деп үміттенеміз. Біз оған әдемі музыкасы үшін, Dears -тен тапқан достарымыз үшін және мүмкін деп ойламаған нәрсені жасауға шабыт сыйлағаны үшін алғыс айтамыз», — деп хордың негізін қалаушы Агнешка Хлап өз әсерімен бөлісті.

«Daididau» – DiVoices хорымен орындалған Димаштың репертуарындағы алтыншы ән. Олар бұған дейін «Mahabbat ber magan», «Marigolds», «Ikanaide», «Autumn Strong» және «Unforgettable Day» композицияларының нұсқаларын ұсынған болатын. Төрт дауысты хорға арналған барлық әндердің аранжировкаларын пианист Ольга Попова дайындады.

Хордың қойылымдарын Димаштың поляк фан-клубының YouTube арнасынан тыңдауға болады.