5 қазан күні бұл аңызға айналған сахнада алғаш рет мыңдаған адам қазақ тілінде ән шырқады. Олар арнайы шақырылған кәсіби ұжым емес, халық әртісі Димаш Құдайбергеннің жеке концертіне жиналған көрермендер болатын.
Кеш Қазақстан Республикасының Әнұранымен басталды. Осылайша, Димаштың ана тілі – қазақ тілі сол кеш бойы асқақ естіліп, көрермендер әр қазақша әнді зор ықыласпен, шын жүректен бірге шырқады.

Көпшілікке ыңғайлы болу үшін сахна артындағы үлкен экрандарда көп әндердің қайырмалары латын әрпімен көрсетілді. Алайда, көпшілік қауымның “Pai-pai shırkın, umytylmas kün” мен “Mahabbat ber magan, tagdyr” әндерінің сөздерін жатқа білетіндігінен экрандағы жазулар қажет болмады.

“Ұмытылмас күн” мен “Махаббат бер маған” жолдарын Dears жаттап алып әр концерт сайын сүйікті әртістерін қолдап, ерекше рух беріп келеді. Ал Димаш әр концерт сайын өз тыңдармандарының ықыласына марқайып, риясыз қуанып келеді.

Осы кеште Madison Square Garden сахнасында алғаш рет Димаштың жаңа әні “Tau Ishinde” де орындалды. Көрермендер “Tatti sözın, qara közın. Bilgeisin kelgenimdi jalgız özin” деген қайырманы бірге шырқап, әйгілі аренаны ерекше қуанышқа бөледі.

Жанкүйерлерінен шабыт алған Димаш кейін “Tau Ishinde” әніне түсірілген бейнебаянның қысқаша нұсқасын өз YouTube арнасына жариялады. Видеоны тамашалап, ерекше ләззат алыңыздар!

Қолдауларыңыз бен шексіз махаббаттарыңыз үшін алғысым шексіз, қымбатты Dears! Келесі концерттерде жолыққанша!